Shri ram 500 rupees Note viral fact : सोशल मीडियावर व्हायरल होत असलेल्या मेसेजमध्ये 500 रुपयांच्या नोटेवर प्रभू रामाचा फोटो छापण्यात आला आहे. जे राष्ट्रपिता महात्मा गांधी यांच्या चित्राच्या जागी आहे. या नोटेच्या मागील बाजूस अयोध्येतील राम मंदिराचे चित्र छापण्यात आले आहे तर 500 रुपयांच्या नोटेवर लाल किल्ल्याचे चित्र छापण्यात आले आहे. या नोटा सोशल मीडियावर ट्रेंड करत आहेत. या नोटेच्या सत्यतेवरही लोक प्रश्नचिन्ह उपस्थित करत आहेत.
RBI 500 रुपयाची नवी नोट खरोखर छापणार का?
भारतीय रिझर्व्ह बँकेने अशा कोणत्याही नोटा जारी करण्याबाबत माहिती दिलेली नाही. सोशल मीडियावर व्हायरल होत असलेला हा मेसेज खोटा आहे. व्हॉईस ऑफ बँकिंगचे संस्थापक आणि बँकिंग क्षेत्रातील तज्ज्ञ अश्वनी राणा यांनी माहिती दिली की आरबीआयने अशी कोणतीही घोषणा केलेली नाही. आरबीआय अशी कोणतीही नोट जारी करत नाही. हा फेक मेसेज आहे.
या अगोदर सुद्धा असे प्रकार घडलेले आहेत जून 2022 मध्ये, मिसाइल मॅन माजी राष्ट्रपती एपीजे कलाम आणि रवींद्रनाथ टागोर यांच्या नवीन मालिकेच्या 500 रुपयांच्या नोटेवर महात्मा गांधींचे चित्र बदलण्याची चर्चा होती. हे वृत्त समोर आल्यानंतर आरबीआयने पुढे येऊन अशा बातम्यांचे खंडन केले. मात्र, यावेळी आरबीआयकडून कोणतेही स्पष्टीकरण देण्यात आले नाही.
