Girls Fighting Over Boyfriend : एका बॉयफ्रेंडसाठी दोन तरुणींचा राडा: व्हिडिओ होतोय व्हायरल
सोशल मीडियावर सध्या एक धक्कादायक व्हिडिओ जोरदार व्हायरल होत आहे. डेहराडूनच्या रायपूर भागात दोन तरुणींमध्ये एका मुलावरून वाद झाला आणि तो इतका टोकाला गेला की, दोघीही भर रस्त्यात एकमेकींना धोपटताना दिसल्या. या घटनेचा व्हिडिओ पाहून नेटकऱ्यांमध्ये मोठी चर्चा रंगली आहे.
👇👇👇
घटनेनुसार, या तरुणींमध्ये वाद एका मुलावरून सुरू झाला. त्या दोघीही तो आपलाच बॉयफ्रेंड असल्याचा दावा करत होत्या. या वादामध्ये त्या एकमेकींवर थेट हल्ला चढवून केस ओढणं, लाथा मारणं आणि धक्काबुक्की करताना दिसत आहेत. भांडण एवढं टोकाला गेलं की, त्यापैकी एका मुलीचे कपडे फाटले तरी भान हरपून त्या मारामारीत गुंतलेल्या होत्या.
घटनास्थळी काही लोक उपस्थित होते, त्यांनी या भांडणात हस्तक्षेप करण्याचा प्रयत्न केला. मात्र, त्या तरुणींनी कोणाचंही ऐकण्यास नकार दिला. अखेर त्यांना जबरदस्तीने थांबवण्याचा प्रयत्न केला गेला.
या घटनेचा व्हिडिओ सोशल मीडियावर मोठ्या प्रमाणावर व्हायरल झाला आहे. नेटकरी या व्हिडिओवर वेगवेगळ्या प्रकारच्या प्रतिक्रिया देत आहेत. काहींनी या प्रकाराला हसण्यावारी घेतलं, तर काहींनी तरुण पिढीच्या वागण्यावर टीका केली. काही लोकांनी या प्रकरणावर गंभीरतेने विचार करण्याची गरज व्यक्त केली आहे.
सध्याच्या काळात सोशल मीडियावर असे अनेक व्हिडिओ व्हायरल होतात. लग्न, डान्स किंवा मजेशीर घटनांचे व्हिडिओ मोठ्या प्रमाणावर शेअर केले जातात. मात्र, अशा प्रकारचे व्हिडिओ हे मनोरंजनापेक्षा समाजाला एक वेगळा संदेश देणारे असतात.
सध्याच्या पिढीला सोशल मीडियाचा योग्य प्रकारे वापर करण्याची गरज आहे. प्रेम किंवा कोणत्याही नातेसंबंधांमध्ये समजूतदारपणा आवश्यक आहे, अन्यथा अशा घटना समाजात चुकीचं चित्र उभं करतात.
