राज्यातील शाळांना ४५ दिवसांची उन्हाळी सुट्टी – जाणून घ्या संपूर्ण वेळापत्रक !
राज्यातील शैक्षणिक वर्ष आता अंतिम टप्प्यात आहे आणि उन्हाळ्याची चाहूल लागली आहे. यंदाच्या उन्हाळी सुट्टीचे वेळापत्रक जाहीर झाले असून शाळांना १ मे २०२५ पासून १४ जून २०२५ पर्यंत सलग ४५ दिवसांची सुट्टी असणार आहे. १५ जून २०२५ पासून नवीन शैक्षणिक वर्षाला सुरुवात होईल.
उन्हाळी सुट्टीचे वेळापत्रक २०२५
- अंतिम सत्र परीक्षा – एप्रिलच्या पहिल्या आठवड्यात सुरू होऊन दुसऱ्या आठवड्यात संपणार.
- निकाल जाहीर होण्याची तारीख – १ मे २०२५
- उन्हाळी सुट्टी – १ मे ते १४ जून २०२५
- नवीन शैक्षणिक वर्षाची सुरुवात – १५ जून २०२५
शालेय सुट्ट्या आणि शैक्षणिक नियोजन
शिक्षण विभागाच्या नियमानुसार, राज्यातील प्राथमिक शाळांना सुमारे ७६ सार्वजनिक सुट्ट्या मिळतात. याशिवाय, दर महिन्यातील चार रविवार मिळून एकूण १२४ दिवस सुट्टी असते. उन्हाळा सुरू होताच शाळांचे वेळापत्रक बदलून सकाळच्या सत्रात वर्ग घेतले जातात, त्यानंतर अंतिम परीक्षा पार पडतात.
५ वी आणि ८ वीच्या विद्यार्थ्यांसाठी महत्त्वाचा बदल
शालेय शिक्षण विभागाने “सरसकट पुढच्या वर्गात ढकलण्याची पद्धत” बंद केली आहे. त्यामुळे, ५ वी आणि ८ वीच्या विद्यार्थ्यांच्या परीक्षा मंडळाच्या पद्धतीनुसार घेतल्या जातील. अध्ययनक्षमतेनुसार निकाल घोषित केला जाईल आणि नापास झालेल्या विद्यार्थ्यांना जुलै महिन्यात फेर परीक्षा देण्याची संधी दिली जाईल.
नापास झालेल्या विद्यार्थ्यांसाठी फेर परीक्षा
बालकांचा मोफत आणि सक्तीच्या शिक्षणाचा अधिनियम २००९ अंतर्गत सर्व विद्यार्थ्यांना आठवीपर्यंत उत्तीर्ण करण्याची जुनी प्रथा बदलण्यात आली आहे. आता विद्यार्थ्यांच्या अध्ययन क्षमतेनुसार निकाल लागेल आणि जर विद्यार्थी अपयशी ठरले, तर जुलै महिन्यात त्यांना फेर परीक्षा देऊन पुढील इयत्तेस पात्र होण्याची संधी मिळेल.
• उन्हाळी सुट्टी: १ मे ते १४ जून २०२५
• नवीन शैक्षणिक वर्ष सुरू: १५ जून २०२५
• फेर परीक्षा (नापास विद्यार्थ्यांसाठी): जुलै २०२५
ही संपूर्ण शैक्षणिक वेळापत्रक राज्यातील सर्व शाळांसाठी लागू असणार आहे.
